最省錢的畢業旅行攻略
畢業旅行十大省錢怪招-廉航
有留意機票行情嘅朋友，都會知道廉價航空，永遠都係窮游族嘅好朋友，唔止飛內陸或者短途有得平，甚至去到歐洲、澳洲都有航線，分分鐘執到平價機位，訂購時多做功課，可以一下子慳返唔少!
畢業旅行十大省錢怪招-PASS
出外旅行，世界各地嘅PASS當然係慳錢同慳時間之選，可以任搭當地交通工具之余，又可以免費游覽景點，有時仲可以係參觀熱門景點嘅時候，免去排隊排長龍人迫人之苦!
畢業旅行十大省錢怪招-搭乘夜車
搭乘夜車(巴士或火車)旅游，除咗可以將寶貴嘅白天時間用盡之外，又可以省下旅館住宿嘅費用，訓醒一覺起床就到目的地，不過前提係你要唔怕操勞……
畢業旅行十大省錢怪招-使用志愿導游
想深入了解一個地方嘅歷史文化，一定離唔開當地人嘅教路，例如紐約、多倫多、芝加哥、巴黎、墨爾本、布宜諾斯艾利斯同休斯敦等嘅城市，會有「志愿導游」服務，而且唔收小費，更唔會強行帶你到紀念品店購物，但游客要先提前預訂服務。
畢業旅行十大省錢怪招-暴走
有時候，想游覽嘅城市面積不大，若果目的地可以係步行半個鐘內抵達，大家可以選擇行路，代替乘搭交通工具(特別在假期間)，不失為一個慳錢嘅好方法!
畢業旅行十大省錢怪招-動手DIY
選擇青年旅社或民宿嘅時候，最好就係能夠煮食，到時向當地人打探邊到買食材最平，然后預先準備每日膳食，可以慳唔少出外用膳嘅花費。
畢業旅行十大省錢怪招-游客中心
Tourist information center一直都係自助旅行者嘅好朋友，除咗可以免費攞詳細嘅當地地圖之外，仲可以趁機得到好多意想唔到嘅優惠資訊，從買車票、訂旅館、,到選購PASS、或者套裝行程，如果你臉皮夠厚，賴得夠耐，仲可以叫人幫你規劃好行程…….
畢業旅行十大省錢怪招-游覽免費博物館
有唔少國家嘅頂級博物館同動物園都係免費嘅，好似位于倫敦嘅大英博物館、泰特現代藝術館、華盛頓市內嘅國家動物園、國家航空航天博物館等等，都係免費對外開放，鐘意呢類行程嘅朋友，可以慳返唔少!
畢業旅行十大省錢怪招-趕緊使用學生證最后福利
我講嘅學生證唔止係某某銀行嘅國際學生證，仲係自己中學同大學嘅學生證，因為據筆者所知，有唔少熱門嘅景點都有學生/青年優惠，票價可以平3成至7成不等!
畢業旅行十大省錢怪招-住青旅
想慳錢，就要打消「住酒店」嘅念頭!筆者係青年旅館嘅死忠支持者，只因為佢真係好平，以歐洲各地，如巴黎、倫敦、羅馬等地嘅青年旅館為例，運氣好嘅話，10蚊歐元就有交易!
【最省錢的畢業旅行攻略】相關文章：
畢業游省錢攻略09-07
2016最省錢畢業游攻略08-10
廣州畢業游省錢好攻略07-31
重慶畢業旅行攻略01-04
學生畢業旅行攻略10-19
廣州畢業旅行攻略09-12
湖南畢業旅行攻略08-31
西藏畢業游玩旅行攻略01-10
成都畢業旅行景點攻略10-26
暑假河南畢業旅行攻略07-09